Bókin Fyrstu mánuðirnir – Ráðin hennar Önnu ljósu kom út á dögunum og af því tilefni var fagnað dátt í versluninni Systur & makar við Síðumúla. Höfundar bókarinnar eru hin landsþekkta ljósmóðir Anna Eðvaldsdóttir og Sylvía Rut Sigfúsdóttir blaðamaður. Anna og Sylvía Rut kynntust þegar Anna var heimaljósmóðir Sylvíu Rutar. 

Bókin er handbók þar sem er að finna ráð hinar þaulreyndu ljósmóður Önnu Eðvaldsdóttur. Hún er stútfull af ráðum og upplýsingum um það sem mikilvægt er að vita fyrstu mánuðina í lifi barnsins.