Fyndnasta kona Íslands mætti

Gleðin var við völd þegar Björg Ingadóttir eigandi Spaksmannsspjara kvaddi verslunina í Bankastræti ásamt hópi af fastakúnnum. Þar á meðal var Anna Þóra Björnsdóttir uppistandari og eigandi Sjáðu. Hún þykir vera ein fyndnasta kona Íslands enda gerir hún mikið grín að sjálfri sér og lætur fátt stoppa sig þegar grín og glens er annars vegar. 

Björg hefur rekið fyrirtækið í miðbæ Reykjavíkur í meira en tvo áratugi en nú ætlar hún að róa á önnur mið. 

Smartland hefur heimildir fyrir því að ný útgáfa af Spaksmannsspjörum muni opna á Háaleitisbraut innan skamms.