Einar Örn Benediktsson Sykurmoli, listamaður og fyrrverandi borgarfulltrúi opnaði sýningu á verkum sínum á dögunum. Sýningin afsakið ekkert hlé fer fram í Listamenn Gallerí sem er staðsett við Skúlagötu í Reykjavík. 

Einar Örn hefur skemmtilegan stíl og státar af miklu ríkidæmi þegar kemur að húmor og sniðugheitum eins og sést á myndunum á sýningunni. 

Félagar Einars voru að sjálfsögðu mættir en þar var Sigurður Björn Blöndal og Óttarr Proppé í sínu fínasta pússi. Óttarr var mættastur með gulu gleraugun og aflitaða hárið og Björn státaði af miklu og síðu skeggi. Einar var hinsvegar kominn í laugardagsjakkann sinn - virðuleikinn uppmálaður.