Gleðin var við völd þegar formleg opnun Mood Interiors var haldin á dögunum. Þar var glæsilegur sýningarsalur fyrirtækisins formlega frumsýndur fyrir innanhússhönnuði og arkitekta. Sýningarsalurinn fékk góðar undirtektir viðstaddra, boðið var upp á veitingar í föstu og fljótandi formi. 

Mood Interiors byggir á tólf ári grunni Parketverksmiðjunnar sem flutti í nýtt og glæsilegt húsnæði að Síðumúla 28 í lok fyrra árs. Mood veitir persónulega þjónustu, býður upp á sérsniðnar lausnir og einstaklega vandaða vöru. Vöruúrvalið var aukið við flutningana en ásamt miklu úrvali af viðarparketi er nú einnig hægt að fá flísar, borðplötuefni, sérsmíðaðar innihurðir, mottur og klæðningar af ýmsu tagi.