Um 200 konur lögðu leið sína á Sogaveg 69 á dögunum þegar Kírópraktorstöðin bauð til sérstaks konukvölds í húsakynnum sínum.

Bergur Konráðsson kírópraktor og annar af eigendum stöðvarinnar opnaði kvöldið og bauð alla velkomna. Sérstakir heiðursgestir kvöldsins voru gullsmiðirnir Lovísa og Unnur Eir, hönnuðir Bleiku slaufunnar í ár. Ragga Hólm, Reykjavíkurdóttir, plötusnúður og útvarpsstjarna keyrði upp stemninguna með dúndrandi tónlist. Boðið var upp á happdrætti og rann ágóðinn af því til Krabbameinsfélagsins.