Snyrtivöruverslunin Elira fagnaði því á dögunum að vera flutt til Reykjavíkur. Rakel Ósk Guðbjartsdóttir eigandi Elira bauð í glæsilegt teiti í tilefni af opnuninni í 150 fm verslun sem er við Kirkjusand. Elira var áður í Smáralind en eftir flutningana bætti Rakel Ósk við snyrtistofu. 

„Við höfum bætt við okkur þremur snyrtiherbergjum og hlökkum til að taka á móti okkar gömlu viðskiptavinum og nýjum í hágæða húðmeðferðir og aðrar flottar meðferðir á komandi mánuðum,“ segir Rakel Ósk eigandi Elira Beauty.

Nýja Elira var teiknuð af THG arkitektum en allar innréttingar og skreytingar voru hannaðar af Dvelja Hönnunarhúsi.