Fólk stundar meira kynlíf á jólunum

Jólin eru tími kærleika og friðar og hvar er betra að sýna kærleika en einmitt uppi í rúmi. Að minnsta kosti sýna rannsóknir að fólk hefur meiri áhuga á kynlífi í kringum jólin. 

Indiana University og Instituto Gulbenkian de Ciencia í Portugal könnuðu hvernig líkamsstarfsemin okkar breytist við breytingar í umhverfi. Því var skoðað hvað gerist við það þegar jólin taka völdin í okkar nánasta umhverfi. 

Skoðuð var aukin getnaðartíðni eftir menningarlegum viðburðum eins og jól eru í kristnum samfélögum. Til þess að geta barn þarf að stunda kynlíf en það kom í ljós að fólk leitaði mun oftar að kynlífstengdum hlutum á Google yfir trúarlegar og menningarlegar hátíðir auk þess sem fæðingartíðni jókst níu mánuðum síðar. 

Luis Rocha, einn rannsakendanna, sá samasemmerki á milli hátíða og aukinnar frjósemi. „Kannski fólk finni meiri hvöt til þess að stækka fjölskylduna á hátíðisdögum þar sem áhersla er á ást og gjafir til barna. Jólahátíðin er líka tengd sögum um Jesú litla og heila fjölskyldu.

Jólin er tími friðar en ekki síst kærleika. mbl.is/Thinkstockphotos

• Blogga um frétt