Fundu ástina í vinnunni

Það eru ekki allir sem finna ástina á pöbbnum eða Tinder. Mjög margir finna sálufélaga sinn í vinnunni. Þetta á auðvitað við Hollywood-stjörnur eins og annað fólk.

Nú síðast í desember giftu leikararnir Joshua Bowman og Emily Van Camp sig á Bahamaeyjum en þau kynntust við tökur á sjónvarpsþáttunum Hefnd eða Revenge þar sem þau léku par. Vogue tók saman fleiri stjörnur sem kynntust í vinnunni. 

Joshua Bowman og Emily Van Camp léku saman í Hefnd eða Revenge og giftu sig 15. desember. AFP

Kit Harington og Rose Leslie

Rose Leslie og Kit Harington. Hjónin giftu sig í Skotlandi í sumar en þau kynntust við tökur á Game of Thrones. AFP

Angelina Jolie og Brad Pitt

Brad Pitt og Angelina Jolie tilkynntu um skilnað árið 2016 en þau kynntust við tökur á myndinni Mr. & Mrs. Smith árið 2005. AFP

Ashton Kutcher og Mila Kunis

Ashton Kutcher og Mila Kunis. Hjónin léku par í That's 70s Show en byrjuðu saman árið 2012 og giftu sig þremur árum seinna.

Sarah Michelle Gellar og Freddie Prinze Jr.

Freddie Prinze Jr. og Sarah Michelle Geller kynntust fyrir 20 árum við tökur á myndinni I Know What You Did Last Summer. skjáskot/Instagram

Vincent Kartheiser og Alexis Bledel

Vincent Kartheiser og Alexis Bledel. Gilmore Girls-stjarnan kynntist eiginmanni sínum þegar hún var gestastjarna í Mad Men-þáttunum. AFP

Blake Lively og Ryan Reynolds

Hjónin Ryan Reynolds og Blake Lively kynntust við tökur Green Lantern árið 2011. Þá var Raynolds giftur Scarlett Johnson en Lively með Leonardo DiCaprio. Stuttu seinna hættu þau með mökum sínum og byrjuðu saman ári seinna. AFP

Ryan Gosling og Eva Mendes

Eva Mendes og Ryan Gosling kynntust við tökur á myndinni The Place Beyond the Pines. AFP

Tom Hanks og Rita Wilson

Tom Hanks og Rita Wilson. Hjónin kynntust við tökur á þáttunum Bosom Buddies árið 1981. Þau léku aftur saman í Volunteers og þremur árum seinna var Hanks skilinn og búinn að kvænast Wilson. AFP

Jennifer Aniston og Justin Theroux

Jennifer Aniston og Justin Theroux tilkynntu um skilnað í febrúar. Þau byrjuðu að hittast eftir að tökum á myndinni Wanderlust lauk. AFP

• Blogga um frétt