Sævar Þór Jónsson lögmaður/MBA svarar spurningum lesenda Smartlands. Hér fær hann spurningu frá manni sem vill ekki kvænast en vill þó hafa erfðarétt. Fer þetta tvennt saman? 

Sæll,

Ég og sambúðarkona mín til 18 ára, erum í skráðri sambúð, eigum saman 2 börn, erum bæði skráð jafnt fyrir húsinu okkar, en erum ógift, erum sátt þannig og viljum ekki gifta okkur.
Hvernig er auðveldast fyrir okkur að gera hinu lífið sem léttast í sambandi við erfðamál ef annað fellur frá, án þess að giftast.

Kv. Sigtryggur

Sævar Þór Jónsson rekur lögmannsstofuna Sævar Þór & Partners.

Komdu sæll Sigtryggur

Engin heildarlög gilda um skráða sambúð og því eru reglur um réttaráhrif hennar mismunandi eftir málaflokkum. Erfðalögin gera til að mynda ekki ráð fyrir því að erfðaréttur stofnist milli einstaklinga í skráðri sambúð og sambúðarmaki á ekki rétt að því að sitja í óskiptu búi. Af þessu leiðir að einstaklingar í sambúð, sem vilja tryggja sambúðarmaka sínum hlutdeild í eignum eftir sinn dag, þurf annað hvort að hafa eignir skráðar á báða sambúðaraðila ellegar gera erfðaskrá.

Kær kveðja, 

Sævar Þór Jónsson lögmaður/MBA

Liggur þér eitthvað á hjarta? Þú getur sent Sævari Þór spurningu HÉR. 

Tengdar fréttir

Spurðu lögmanninn

Miðaldra kona er skráð fyrir 50% hlut í húsi og leitar ráða

• Má stjúpa selja fyrirtæki látins föður?
• Gerði kaupmála við eiginmanninn en hefur skipt um skoðun - má það?
• Má áttræð móðir „lána“ tveimur dætrum peninga en ekki hinum?
• Hvernig er rétt að haga umgengni tveggja ára barns eftir skilnað?

» Fleiri tengdar fréttir

• Blogga um frétt