Sævar Þór Jónsson lögmaður/MBA svarar spurningum lesenda Smartlands. Hér fær hann spurningu frá manni sem keyrði aftan á bíl. 

Sæll,

Ég er á fullri örorku og keyrði aftan á bíl af töluverðu afli. Ég er með tognun á hálsi og ekki hefur náðst árangur í sjúkraþjálfun. Hef ég einhvern möguleika á slysabótum?

Kveðja, V

Sævar Þór Jónsson lögmaður rekur lögmannsstofuna Sævar Þór & Partners.

Sæll

Samkvæmt lögum um ábyrgðartryggingar ökutækja er það skylda ökutækjaeiganda að tryggja ökumann bifreiðarinnar. Sé bifreiðinni ekki ekið í algjöru heimildarleysi eða ökutækjatryggingin óvirk ert þú sem ökumaður bifreiðar alltaf tryggð/ur fyrir tjóni sem þú verður fyrir. Skiptir þar engu máli hvort þú ert sjálf/ur valdur að tjóninu.

Tryggingafélaginu ber þá að greiða bætur fyrir sjúkrakostnað, annað fjártjón, tímabundið atvinnutjón, þjáningarbætur, fyrir varanlegan miska og varanlega örorku að nánar tilgreindum skilyrðum uppfylltum.

Breytir þar engu hvort tjónþoli sé á fullri örorku fyrir slysið. Það getur hins vegar haft áhrif á ákvörðun fjárhæðar bóta í sumum bótaflokkunum, t.a.m. við mat á tímabundnu atvinnutjóni og varanlegri örorku.

Miðað við uppgefnar upplýsingar gætir þú því átt möguleika á bótum fyrir líkamstjón þitt.

Kær kveðja,

Sævar Þór Jónsson lögmaður/MBA

Liggur þér eitthvað á hjarta? Þú getur sent Sævari spurningu HÉR.

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt