Vala Valtýsdóttir lögmaður á Lögfræðiskrifstofu Reykjavíkur svarar spurningu lesenda Smartlands. Hér fær hún spuringu frá manni sem veltir fyrir sér hvort hann eigi að borga skatta í tveimur löndum. 

Sæl.

Ég er að fá lífeyri frá Danmörku en ég bý á Íslandi. Er í vinnu hér á landi og greiði skatta af laununum. Í Danmörku er dregin staðgreiðsla af lífeyristekjunum um 37%. Síðan geri ég skattaskýrslu og þarf alltaf að borga skatta af dönsku tekjunum líka til Íslands. Eru ekki einhverjar reglur sem banna þessa tvöföldu skattlagningu?

Kveðja,

Skattman.

Vala Valtýsdóttir lögmaður á Lögfræðistofu Reykjavíkur.

Sæll Skattman. 

Þar sem þú ert með svokallað skattalegt heimilisfesti á Íslandi þá greiðir þú skatta hér á landi vegna allra tekna þinna hvar sem þeirra er aflað. Hitt er svo annað mál að Ísland og hinar Norðurlandaþjóðirnar hafa gert með sér samning sem á að koma í veg fyrir tvísköttun sömu tekna. Vegna þessa koma skattlagðar tekjur í Danmörku til frádráttar við álagningu skatta hér á landi. Þannig er ekki um tvískattlagningu á sömu tekjunum að ræða þótt skattprósenta geti valdið því að í raun greiðist viðbótarskattur. Það skal tekið fram að við framtalsgerð verður að fylgja kvittun eða annað sem sýnir að skatturinn hafi verið greiddur.

Kær kveðja, 

Vala Valtýsdóttir. 

Liggur þér eitthvað á hjarta? Þú getur sent lögmönnum á Lögfræðistofu Reykjavíkur HÉR. 

Tengdar fréttir

Spurðu lögmanninn

Miðaldra kona er skráð fyrir 50% hlut í húsi og leitar ráða

• Má stjúpa selja fyrirtæki látins föður?
• Gerði kaupmála við eiginmanninn en hefur skipt um skoðun - má það?
• Má áttræð móðir „lána“ tveimur dætrum peninga en ekki hinum?
• Hvernig er rétt að haga umgengni tveggja ára barns eftir skilnað?

» Fleiri tengdar fréttir

• Blogga um frétt