Vala Valtýsdóttir lögmaður á Lögfræðistofu Reykjavíkur svarar spurningum lesenda Smartlands. Hér kemur spurning frá konu sem er á vanskilaskrá. Hún veltir fyrir sér hvort það hafi áhrif þegar hún gengur í hjónaband. 

Góðan dag.

Þannig er að ég og sambýlismaður minn erum að fara gifta okkur á næsta ári. Ég er hins vegar á vanskilskrá, hann ekki. Hann á íbúð og mig langar að vita hvort að gengið yrði á hans íbúð, þegar við erum gift. Sem ég vil alls ekki að gerist, eða er tekið tillit til þess að þetta sé hans eign, þó við gerum ekki kaupmála.

Kveðja, 

Ein áhyggjufull.

Vala Valtýsdóttir lögmaður á Lögfræðistofu Reykjavíkur.

Sæl. 

Samkvæmt 10. kafla hjúskaparlaga, nr. 31/1993, ber hvort hjóna ábyrgð á þeim skuldbindingum sem á því hvíla hvort sem þær hafa stofnast fyrir hjúskapinn eða síðar. Þannig geta innheimtumenn ekki gengið að eignum eiginmanns þíns vegna þinna skulda.

Kær kveðja, 

Vala Valtýsdóttir lögmaður.

Liggur þér eitthvað á hjarta? Þú getur sent lögmönnum á Lögfræðistofu Reykjavíkur spurningu HÉR. 

Tengdar fréttir

Spurðu lögmanninn

Skerðist ellilífeyrir ef húsið er selt og minni íbúð keypt?

• Er söluhagnaður íbúðarhúsnæðis undanþeginn skattlagningu?
• Skerðir arfur ellilífeyri?
• Getur faðir gert erfðaskrá og rýrt hlut sonar síns?
• Skerðast tekjur hjá eldri borgurum við sölu á sumarhúsi?

» Fleiri tengdar fréttir

• Blogga um frétt