Það er engin föst tala um hversu lengi kynlíf á að vara. Hins vegar hafa verið gerðar rannsóknir til þess að áætla ásættanleg viðmið.

Í rannsókn frá 2005 sem birtist í Journal of Sexual Medicine komust kynlífsráðgjafar að þeirri niðurstöðu að kynlíf (penetrative vaginal sex) sem varði í 1-2 mínútur væri of stutt og kynlíf sem varði í 10-30 mínútur væri of langt. Ásættanleg lengd væri því um 3-7 mínútur og mjög gott kynlíf varði upp í 7-13 mínútur.

Erfitt er að safna saman upplýsingum um lengd kynlífs hjá fólki, sérstaklega þar sem skilgreina má kynlíf á svo fjölbreyttan hátt. Sumir telja bara með innsetningu á meðan aðrir gera það ekki. Enda fá ekki allar konur fullnægingu í gegnum leggöng.

Í rannsókn tímaritsins GQ vildu viðmælendur meina að hæfileg lengd kynlífs skiptist í 10-15 mínútna forleik og 5-10 mínútna samfarir.

Flestir vildu að kynlífið þeirra varði lengur og allir sem voru spurðir fannst þeirra kynlíf vera í styttra lagi. En sannleikurinn var sá að kynlíf þeirra allra var á mjög svipuðu róli og almennt þykir venjulegt.

Niðurstöður leiddu því í ljós að allir voru óöruggir um kynlífið sitt en sannleikurinn er hins vegar sá að kynlíf tekur í rauninni ekki eins langan tíma og mýturnar segja. Mikilvægast sé að fólk sé sátt við kynlífið sitt.

Tengdar fréttir

Samskipti kynjanna

Kemur í veg fyrir ágreining við sambúðarslit með ákveðnu fyrirkomulagi

• Íslandsvinkona afhjúpar leyndarmálið að góðu kynlífi
• Hvað er þetta „rizz“ sem er út um allt á samfélagsmiðlum?
• Um helmingur notenda Tinder ekki í leit að stefnumótum
• „Ef hjónalífið mætir afgangi þá vitum við hvað framtíðin ber í skauti sér“

» Fleiri tengdar fréttir

• Blogga um frétt