Að mati Huffington Post var sönkonan Lizzo öðrum fremri þegar kom að innihaldsríkum skilaboðum til veraldarinnar á MTV hátíðinni. Hún mætti í samfellu einni klæða og sýndi að hún er stolt að eigin líkama. Þó aðrir séu kannski á öðru máli um hvernig hún lítur út.
Lizzo er þekkt fyrir tónlistina sína en ekki síður viðhorfið sitt til lífsins og tekur hlutunum ekki of alvarlega eins og sjá má á ljósmyndum frá hátíðinni. Tónlistaratriðið vakti lukku hjá mörgum þó það hafi seint getað flokkast fyrir alla aldurshópa.
Sitt sýnist hverjum um þetta uppátæki hennar. En þeir sem aðhyllast þá skoðun að konur og karlar mega vera allskonar, hvetja hana áfram til dáða.
Á vef Huffington Post er haft eftir henni að það sé erfitt að elska sjálfan sig án skilyrða í veröld sem elskar mann ekki til baka.