Glatt var á hjalla á Héðni Kitchen & Bar á miðvikudagskvöldið þegar veitingamaðurinn Elías Guðmundsson fagnaði 50 ára afmæli sínu. Tónlistarkonan Þórunn Antonía tróð upp í afmælinu en Herra hnetusmjör skemmti gestum einnig.
Veitingastaðurinn Héðinn Kitchen & Bar er í eigu Elíasar og Viggós Vigfússonar en hann var opnaður með pomp og prakt í júní sem leið.
Margt var um manninn í afmælisveislunni en á meðal gesta voru til dæmis fasteignasalinn Hannes Steindórsson, hlaðvarpsstjarnan Helgi Jean Claessen og sjónvarpsmaðurinn Þorsteinn Joð.