Það var stemning meðal giggara og góðra gesta við opnun Hoobla klasans, sem er klasasamstarf sjálfstætt starfandi sérfræðinga, stjórnenda, ráðgjafa, fyrirlesara og stjórnenda- og markþjálfa.

Harpa Magnúsdóttir, stofnandi og framkvæmdastjóri Hoobla, sagði í ræðu sinni að nú geti fyrirtæki leitað á einum stað að sjálfstætt starfandi sérfræðingum sem tilbúnir eru í að taka að sér tímabundið verkefni.

„Í því felst sparnaður, aukinn sveigjanleiki, minni skuldbinding og með lítilli fyrirhöfn má fá inn þekkingu sem ekki er til staðar innan rekstrareiningarinnar.“

Meðal gesta mátti sjá Lísbeti Einarsdóttur framkvæmdastjóra Starfsafls, Atla Má Hafsteinsson ljósmyndara, Ragnheiði H. Magnúsdóttur frumkvöðul, Herdísi Pálu Pálsdóttur mannauðsstjóra Deloitte, Bjart Guðmundsson frá Optimized Performance, Birnu Dröfn Birgisdóttur sköpunargleðifræðing, Sesselíu Birgisdóttur markaðsstjóra Haga, Birki Baldvinsson fjárfesti, Eyþór Sigfússon ráðgjafa, Ásdísi Eir Símonardóttur formann Félags mannauðsstjóra, Frey Ólafsson ráðgjafa, Helgu Dögg Björgvinsdóttur frá Crayon, Teit H. Syen mannauðsstjóra og ráðgjafa, Maríu Guðmundsdóttur forstjóra og stofnanda Parity Games, Sigríði Hjörleifsdóttur verkefnastjóra hjá ORF Líftækni, Kolbrúnu Magnúsdóttur markþjálfa, Ingvar Bjarnason ráðgjafa, Margréti Einarsdóttur fjármálastjóra, Val Fannar Gíslason frá Valitor og Hörpu Hermannsdóttur fjármálastjóra svo einhverjir séu nefndir. 

Eins og sjá má á myndunum er þessi hópur eiturhress!