Birkir og Sophie: Ástfangin í þrjú ár

Sophie Gordon og Birkir Bjarnason eru ástfangin.
Sophie Gordon og Birkir Bjarnason eru ástfangin.

Birkir Bjarnason, atvinnumaður í knattspyrnu, og kærasta hans, fyrirsætan Sophie Gordon, fagna ástinni í dag. Þau eru óhrædd að deila ást sinni hvors á öðru með heiminum og óska hvort öðru til hamingju með árin þrjú. 

„Þrjú ár,“ skrifaði fyrirsætan Sophie Gordon í sögu á Instagram á mánudagsmorgun. Hún birti mynd af þeim Birki á ströndinni og játaði ást sína á frönsku. Knattspyrnukappinn svaraði kærustunni með rómantískum skilaboðum í sögu. Hann birti fallega mynd af Sophie, setti inn myndir af nútímalegum hjörtum og skrifaði þrjú ár. 

Parið virðist afar lukkulegt saman þrátt fyrir að vera ekki saman öllum stundum. Á meðan Birkir spilar knattspyrnu í Tyrklandi er Sophie oft á ferð og flugi að sinna fyrirsætustörfum. 

Sophie Gordon birt mynd af sér og Birki.
Sophie Gordon birt mynd af sér og Birki. Skjáskot/Instagram
Birkir sendi kærustunni sinni falleg skilaboð.
Birkir sendi kærustunni sinni falleg skilaboð.
mbl.is