Það má með sanni segja að ástin hafi verið í forgrunni þessa vikuna í júlí en margir lögðu leið sína í brúðkaupsveislur um helgina. Tónlistarmaðurinn Helgi Sæmundur og Kolfinna Kristínardóttir gengu í hjónaband á Siglufirði um helgina og var öllu tjaldað til. Sjóböðin í Hvammsvík opnuðu á laugardag en á föstudagskvöldinu buðu Skúli Mogensen og Gríma Thorarensen í partí í böðunum.
Rapparinn Emmsjé Gauti var á meðal gesta í brúðkaupi þeirra Helga og Kolfinnu á Siglufirði.
Dansarinn og viðskiptafræðingurinn Tara Sif Birgisdóttir og Elfar Elí Schweitz Jakobsson líka.
Tónlistarkonan Svala Björgvinsdóttir gerði allt vitlaust á listahátíðinni LungA.
Felix Bergsson og Baldur Þórhallsson nutu lífsins í Barselóna á Spáni í síðustu viku.
Tiktok-stjarnan Brynhildur Gunnlaugsdóttir nýtur sólarinnar í Pula í Króatíu.
Tískubloggarinn Pattra Sriyanonge og vinahópur hennar skipulögðu golfmót um helgina og fóru Pattra og Birgitta Líf Björnsdóttir með sigur af hólmi.
Leikarinn Jóhannes Haukur Jóhannesson fór með fjölskylduna í ferðalag til Færeyja.
Tónlistarmaðurinn Ágúst Bent Sigbertsson nartaði í krabba.
Sumarfríið er handan hornsins hjá Rúrik Gíslasyni, fyrrverandi fótboltakappa og dansmeistara.
Heilsumarkþjálfinn Hera Gísladóttir hafði það gott á Akureyri með fjölskyldunni.
Alþingismaðurinn Berglind Ósk Gumundsdóttir og kærasti hennar Daníel Matthíasson brugðu undir sig betri fætinum og fóru í brúðkaup.
Leikkonan og flugfreyjan Íris Tanja Flygenring dansaði með hljómsveitinni Hatara í Lundúnum á Bretlandi.
Athafnakonan Birgitta Líf Björnsdóttir birti sundbolamynd af sér í Reykjadal.
Áhrifavaldurinn og athafnakonan Lína Birgitta Sigurðardóttir og kærasti hennar, Guðmundur Birkir Pálmason kírópraktor, fögnuðu því að sólgleraugnalína þeirra, Moxen Eyewear fór í sölu um helgina. Lína og Gummi ræddu einmitt um sólgleraugun í viðtal við Smartland um helgina.
Dansarinn Ástrós Traustadóttir birti fallega mynd af sér í Skógarböðunum.
Áhrifavaldurinn og förðunarfræðingurinn Fanney Dóra Veigarsdóttir birti fallegar myndir af sér.
Tískubloggarinn Elísabet Gunnarsdóttir og eiginmaður hennar, handboltamaðurinn Gunnar Steinn Jónsson, fóru í barnlausa hjónaferð til Spánar. Þau neyddust þó til að taka yngsta barn sitt með, enda er það enn í mömmumaga.
Tónlistarkonan Selma Björnsdóttir og leikkonan Jóhanna Vigdís Arnardóttir voru veislustjórar um helgina.
Elísabet Metta Svan Ásgeirsdóttir, eigandi Maika'i, klæddi sig upp fyrir skemmtilegt kvöld.
Áslaug Arna Sigurbjörnsdóttir, háskóla-, iðnaðar- og nýsköpunarráðherra, keypti fyrsta bjórinn sem seldur var yfir borðið í Smiðjunni í Vík í Mýrdal.
Anna Margrét Gunnarsdóttir, verkerkefnastjóri á sviði samskipta hjá H&M Group í Stokkhólmi í Svíþjóð, fagnaði 35 hringjum í kringum sólina.
Tónlistarkonan Birgitta Haukdal og eiginmaður hennar Benedikt Einarsson gengu Fimmvörðuhálsinn.