Áttræð og ákveður að yfirgefa þjónustuíbúðina

Sigurlín Bjarney Gísladóttir rithöfundur og skáld er með meistaragráðu í ritlist og íslenskum bókmenntum frá Háskóla Íslands. Á mánudaginn kemur skáldsagan Sólrún út en hún fjallar um áttræða konu sem ákveður að yfirgefa þjónustuíbúð fyrir aldraða. Hún skellir sér norður í land á puttanum því að þangað á hún brýnt erindi.

Sólrúnu finnst hún þurfa að fara til fundar við æskuástina sína til að segja honum sannleikann um dóttur þeirra, rjúfa þögnina og sjá hann einu sinni enn. Þó að dauðinn sé nálægur þá er þetta öðrum þræði skemmtisaga um þau ævintýri sem áttræð kona getur lent í, hvaða vandræði hún getur komið sér í og kemst hún á leiðarenda?

mbl.is