Emmsjé Gauti og Jovana létu pússa sig saman

Emmsjé Gauti og Jovana Schally gengu í hjónaband í dag.
Emmsjé Gauti og Jovana Schally gengu í hjónaband í dag.

Tónlistarmaðurinn Emmsjé Gauti, eða Gauti Þeyr Másson, og Jovana Schully voru gefin saman í Fríkirkjunni í Reykjavík í dag. Það var Hjörtur Magni Jóhannsson fríkirkjuprestur sem gaf parið saman. Það var margmenni fyrir utan kirkjuna í dag þegar þau gengu út í lífið sem hjón en Gleðiganga Hinsegin daga fór fram í dag á sömu slóðum. 

Parið hnaut um hvort annað 2016 og trúlofaði sig 2019. Áður en þau kynntust var hann á lista yfir eftirsóttustu piparsveina landsins. 

Árið 2020 flutti Smartland fréttir af því að þau væru að flytja þegar þau settu íbúð sína við Kaplaskjólsveg í Reykjavík á sölu. 

Smartland óskar þeim hjartanlega til hamingju með hjónabandið! 

mbl.is