Íslendingar kunna að gera sér glaðan dag og keyra upp stemninguna þrátt fyrir að Ásgeir Jónsson seðlabankastjóri haldi fyrir eyrun á viðskiptaþingi. Í liðinni viku hélt fólk upp á afmæli, klæddist gulum gallajökkum og gerði vel við sig þrátt fyrir stýrivaxtahækkanir.
Sunneva Eir Einarsdóttir áhrifavaldur fagnaði afmæli kærasta síns, Benedikts Bjarnasonar, með fallegri myndaseríu á Instagram.
Söngkonan Svala Björgvinsdóttir hafði í nægu að snúast um helgina og klæddi sig upp í svartan, þröngan samfesting.
Helga Margrét Agnarsdóttir karíókídrottning klæddi sig upp í bleikt og fór út að borða.
Halldór Laxness Halldórsson, betur þekktur sem Dóri DNA, þakkaði fyrir góðar viðtökur á uppistandssýningu sinni.
Ingileif Friðriksdóttir leikstjóri og eiginkona hennar, María Rut Kristinsdóttir, kynningarstýra UN Women, skelltu sér norður í Skógarböðin. Ingileif og María eiga von á sínu þriðja barni saman.
Fanney Dóra Veigarsdóttir, áhrifavaldur og förðunarfræðingur, hélt upp á afmælið sitt um helgina.
Fyrirsætan Lára Clausen birti glæsilega mynd af sér í bílakjallara.
Fjölmiðlakonan Viktoría Hermannsdóttir og skemmtikrafturinn Sóli Hólm skelltu sér til Kaupmannahafnar um helgina og fögnuðu 36 ára afmæli Viktoríu með stæl.
TikTok-stjarnan Brynhildur Gunnlaugsdóttir birti gamla mynd af sér síðan hún var í Los Angeles á síðasta ári.
Berglind Saga Bjarnadóttir, betur þekkt sem Saga B, skellti sér til Ítalíu.
Sara Lind Pálsdóttir, vanalega kennd við fataverslun sína Júník, skellti sér ti Manchester í Englandi.
Klámstjörnurnar Ósk Tryggvadóttir og Ingólfur Valur Þrastarson birtu fallega fjölskyldumynd, en þau eiga von á sínu fyrsta barni.
Bloggarinn og samfélagsmiðlafulltrúinn Anna Bergmann fór í þyrluflug yfir New York-borg þar sem hún fékk óvænt bónorð frá kærasta sínum, Atla Bjarnasyni.
Matarbloggarinn Linda Benediktsdóttir var glæsileg þegar hún stillti sér upp á björtu og stílhreinu heimili sínu.
Thelma Guðmundsen naut þess að slaka á og hlaða batteríin í heilsulind.
Guðrún Veiga Guðmundsdóttir áhrifavaldur elskar gulan lit. Á föstudaginn klæddi hún sig upp á og fór í gulan gallajakka!
Íslenska hönnunarfyrirtækið FÓLK sýndi afurðir sínar á Stockholm Furniture Fair og vakti athygli fyrir bás sinn. Hér er Ragna Sara Jónsdóttir eigandi FÓLK ásamt sínu góða fólki í essinu sínu eftir sýninguna.
Hrefna Sætran byrjaði að æfa kraftlyftingar fyrir tveimur árum. Hún keppti um helgina og lyfti samtals 270 kílóum.
Adrían Elí, sonur Töru Sifjar, fagnaði tveggja ára afmæli og var ekkert til sparað. Risastór blöðrukrans setti svip á afmælisveisluna.
Hárgreiðslumeistarinn Óli Boggi naut lífsins á skíðum í Madonna. Hann er ekki bara flinkur hárgreiðslumeistari heldur er hann alltaf smart í tauinu. Hann var að sjálfsögðu sérlega vel klæddur í fjallinu.
Fótboltamaðurinn Hörður Magnússon fagnaði 30 ára afmæli sínu. Hann fékk risastóra köku og blés á 30 kerti í tilefni dagsins.
Kolbrún Anna Vignisdóttir förðunarmeistari á RÚV er eins sú færasta í faginu. Hún kann að njóta lífsins!
Heiðdís Rós Reynisdóttir förðunarmeistari á Miami í Bandaríkjunum klæddi sig upp á í pallíettur og glimmerskó og krullaði á sér hárið áður en hún fór á vit ævintýranna.
Hallgrímur Helgason, sem er einn virtasti rithöfundur þjóðarinnar og reyndar myndlistarmaður líka, skemmti sér um helgina. Hann fór á þorrablót í Hrísey þar sem hann hefur aðsetur að hluta til.