Ofurhjónin Jennifer Lopez og Ben Affleck fögnuðu degi elskenda, Valentínusardeginum, með því að fá sér samstæð húðflúr. Lopez og Affleck gengu í hjónaband í ágúst á síðasta ári en nú hafa þau sannarlega innsiglað hjónabandið.
Lopez deildi myndum af húðflúrunum í tilefni dagsins, en bæði fengu þau sér húðflúr með örvum. Flúr Lopez er með eilífðarmerkinu og ör í gegn. Nöfn þeirra standa í eilífðarmerkinu, Jennifer og Ben. Affleck er svo með flúr af tveimur örum í kross og upphafsstafi þeirra, B og J.