Það var allt í gangi á félagsmiðlinum Instagram í vikunni. Fólk fór á skíði, í teiti eða stillti sér upp fáklætt á sólarströnd. Besta mynd vikunnar er þó líklega myndin af Unni Birnu Vilhjálmsdóttur alheimsfegurðardrottningu og lögfræðingi þegar hún var í löggunni með slagsmálahundinum Jóni Viðari Arnþórssyni.
Áhrifavaldurinn Sunneva Einarsdóttir var glæsileg á Gran Canaria á Kanaríeyjum þar sem hún naut sólsetursins.
Gerður Arinbjarnardóttir og Inga Tinna Sigurðardóttir skáluðu fyrir góðum degi með Félagi kvenna í atvinnulífinu.
Söngkonan Diljá Pétursdóttir mætti aftur á Instagram með trompi eftir að hafa verið í veseni með aðgang sinn.
Áhrifavaldurinn Brynhildur Brá Gunnlaugsdóttir skartaði grænu bikiníi.
Dansarinn og áhrifavaldurinn, Ástrós Traustadóttir, átti notalegan dag með fjölskyldunni.
Áhrifavaldurinn Magnea Björg Jónsdóttir birti mynd frá vinkonuferð til Gran Canaria á Kanaríeyjum.
Sigurjón Ernir Sturluson, Bergur Vilhjálmsson og Halldór Ragnar Guðjónsson kláruðu Concept Ironman þríþraut til styrktar Krafti, stuðningsfélagi ungs fólks með krabbamein.
Eliza Reid, forsetafrú, er stödd í Bandaríkjunum þar sem hún rúntaði um á Ford-bifreið.
TikTok-stjarnan Birta Hlín Sigurðardóttir bíður spennt eftir sumrinu.
Áslaug Arna Sigurbjörnsdóttir háskóla, iðnaðar og nýsköpunarráðherra skrapp erlendis með góðum vinkonum úr lögfræðinni.
Siggi Gunnars sló í gegn sem kynnir í Söngvakeppninni. Eftir strembnar vikur fór hann í verðskuldað frí til Spánar með kærastanum sínum, Sigmari Inga Sigurgeirssyni.
Ásdís Rán Gunnarsdóttir er ekki bara ísdrottning – hún er líka skíðadrottning. Árlega fer hópurinn Skíðaskinkurnar í skíðaferð á spennandi stað innanlands, í ár skíðuðu þær á Dalvík.
Tónlistarkonan Birgitta Haukdal elskar líka að fara á skíði og á flottustu skíðagallana.
Sara í Júník selur skívsuföt og sjálf er hún yfirskvís. Sara fór út að skemmta sér um helgina og var að sjálfsögðu flottust og fínust.
Kuldinn kemur ekki í veg fyrir töffarastæla hjá einum best klædda manni landsins. Kírópraktorinn Guðmundur Birkir Pálmason skellti sér í pels og setti á sig sólgleraugu, enginn þjálfaraúlpa takk.
Ljósmyndarinn Saga Sig á von á sínu fyrsta barni á næstu dögum. Hún birti guðdómlegar myndir af sér óléttri.
Jón Viðar Arnþórsson, umsjónarmaður áhættuatriða í kvikmyndum og bardagaíþróttaþjálfari, er gamall lögreglumaður. Hann rifjaði upp tímann í löggunni og á einni mynd má glitta í gamla fegurðardrottningu.
Ragnhildur Steinunn Jónsdóttir birti skemmtilega myndaröð frá Söngvakeppni Sjónvarpsins.