Nú hafa Rauða Kross búðirnar á höfuðborgarsvæðinu birt skemmtilega auglýsingu á Facebook þar er gert góðlátlegt grín af samfestingnum umdeilda sem Ragnhildur Steinunn Jónsdóttir klæddist á úrslitakvöldi Söngvakeppninnar. Rauði Krossinn segir á Facebook síðu sinni:
„Í Rauðakrossbúðunum geturðu keypt endurnýtta hönnun með góðri samvisku.“
En forsaga málsins er auðvitað sú að Ragnhildur Steinunn klæddist stolinni hönnun í Söngvakeppninni.
Það lítur út fyrir að auglýsendur séu í góðum grín gír þessa dagana en það er bara rúm vika síðan að hönnunarbúðin Epal var fljót að svara Epalhomma umræðunni og birtu auglýsingu með Epalhommum.