Hertogahjónin af Cambridige mættu annað árið í röð á BAFTA-verðlaunin sem haldin voru hátíðleg í Royal Albert Hall í Lundúnum á sunnudagskvöldið. Katrín mætti ekki í svörtu eins og flestar konurnar á hátíðinni.
Katrín sem er komin sjö mánuði á leið var glæsileg í grænum kjól frá Jenny Peckham með smaragðsgræna hálsfesti og eyrnalokka í stíl.
Konurnar klæddust svörtu til að að sýna samstöðu gegn kynferðisofbeldi í tengslum við MeToo-byltinguna. Meðlimir bresku konungsfjölskyldunnar eiga að vera hlutlausir þegar kemur að pólitískum yfirlýsingum og hreyfingum og er það talið ástæðan fyrir því að Katrín klæddist ekki svörtu.
Einhverjir vilja þó meina að svartur borðinn yfir ofan óléttukúluna hafi verið tákn um það að Katrín stæði með þolendum kynferðisofbeldis.