Katrín paraði saman grænt og grænt

Katrín hertogaynja minnti á mintugrænan ís í grænni kápu og kjól í stíl í London í vikunni. Það styttist í að Katrín taki sér frí frá opinberum skyldum en hún og Vilhjálmur Bretaprins eiga von á sínu þriðja barni í næsta mánuði. 

Kápan var frá einu af eftirlætismerkjum Katrínar, Jenny Packham. Katrín hefur verið dugleg að endurnýta gamlan óléttuklæðnað en sérfræðingar í Bretlandi  vilja meina að græna kápan með slaufunni hafi verið ný. 

Katrín lét það ekki á sig fá að vera komin átta mánuði á leið og mætti í háhæluðum skóm frá Gianvito Rossi. 

Hertogaynjan virðist kunna vel við græna litinn þessa dagana. Um helgina mætti hún í dökkgrænni kápu frá Catherine Walker þar sem hún fagnaði degi heilags Patreks. 

Katrín hertogaynja. AFP

Vilhjálmur Bretaprins og Katrín hertogaynja á degi heilags Patreks. AFP

• Blogga um frétt