Elizabeth Emanuel hannaði brúðarkjól Díönu prinsessu ásamt þáverandi eiginmanni sínum, David Emanuel. Elizabeth segist hafa fengið áfall þegar hún sá Díönu í kjólnum á brúðkaupsdeginum.
Samkvæmt Mirror ræddi Elizabeth um kjólinn nýverið í sjónvarpsviðtali. Sjónvarpsþátturinn var hluti af upphitun fyrir næsta konunglega brúðkaup en þau Harry og Meghan ganga í það heilaga á laugardaginn og ríkir mikil spenna yfir brúðarkjól Meghan.
Elizabeth greindi frá því að henni hefði fundist kjóllinn orðinn full krumpaður þegar Díana mætti í kirkjuna. „Við vissum að hann myndi krumpast en þegar við sáum hana koma að St. Paul's-kirkjunni og sáum hvernig hann hafði krumpast leið mér eins og ég myndi falla í yfirlið,“ sagði hönnuðurinn. „Ég var skelfingu lostin, í alvöru, af því það voru frekar mikið af krumpum.“
Krumpunar komu þó ekki að sök og er brúðarkjóllinn er sá eftirminnilegast í sögunni. Díana og Karl Bretaprins giftu sig árið 1981 eru sagður hafa kostað níu þúsund pund á sínum tíma en í dag eru níu þúsund pund rúmar 1,2 milljónir. Í dag hefði kjóllinn því kostað töluvert meira en á honum voru meira en tíu þúsund perlur.