Meistari í að teikna upp fallega hönnun

Nú eru 10 ár liðin frá því tískuhönnuðurinn Yves Saint Laurent dó. Af því tilefni eru teikningar hans til sýningar í samnefndu safni í París um þessar mundir.

Fatahönnuðurinn Yves Saint Laurent vakti athygli víða um heiminn fyrir fallega hönnun og einstakan stíl. Þar sem tískuhúsið hans var til staðar í París, á Avenue Marceau, er nú búið að setja upp fallegt safn sem ber nafn hönnuðarins. Í safninu eru nú til sýnis 60 teikningar eftir hönnuðinn, til minningar um hann.

Sýningin opnaði 29. maí og stendur til 9. september á þessu ári. Það er nokkuð víst að hún mun draga til sín fólk víðs vegar að sem hefur áhuga á að minnast hans. Þess má geta að eitt af því sem hann þótti hvað bestur í var að teikna upp fallega hönnun. Myndunum hans fylgdu vanalega afar góðar lýsingar að sögn þeirra sem unnu með honum.

Teikningar eftir Yves Saint Laurent eru til sýnis í samnefndu safni í París um þessar mundir. AFP

Einfalt og fallegt með góðum útskýringum. AFP

• Blogga um frétt