New York-borg nötraði þegar MOSCHINO & H&M-línan var kynnt fyrir blaðamönnum, bloggurum og stjörnum í gærkvöldi. Jeremy Scott og Ann-Sofie Johansson voru að sjálfsögðu á svæðinu og klæddust bæði MOSCHINO & H&M.
Það er alger veisla að sjá myndirnar úr þessu partíi. Fötin úr línunni eru svo fáránlega spennandi að það hálfa væri nóg. Ef gulllitaðar leðurbuxur lífga ekki upp á skammdegið þá lífgar ekkert upp á skammdegið. Og þessi næntís-áhrif sem eru á hverju strái eru ákaflega heillandi.
Verst er að fólk sem kaupir þessi föt mun neyðast til þess að gera eitthvað skemmtilegt því þetta eru ekki alveg föt sem þú klæðist heima hjá þér á meðan þú ryksugar húsið eða horfir á sjónvarpið.