Stjörnurnar voru mættar í sínu fínasta pússi þegar Golden Globe-verðlaunin voru afhent í Bandaríkjunum í gær, sunnudag. Í fyrra sameinuðust konur um að mæta í svörtu til að mótmæla kynferðislegu ofbeldi. Í ár fékk hins vegar litagleðin að njóta sín.
Lady Gaga var að marga mati best klædd en hún var í fallegum og miklum kjól frá Valentino sem hæfði persónuleika hennar vel. Til þess að toppa allt lét hún lita hár sitt ljósblátt í stíl við kjólinn.
Nicole Kidman steig ekki feilspor frekar en Óskarsverðlaunaleikkonan Lupita Nyong'o. Kidman var í mjög þröngum kjól frá Michael Kors en Nyong'o í glitrandi kjól frá Calvin Klein.