Mætti í hræódýrum skóm

Óskarsverðlaunaleikkonan Lupita Nyong'o sýndi fram á að skór þurfa ekki að kosta hundruð þúsunda til að sóma sér vel á rauða dreglinum. Nyong'o var líklega í ódýrustu skónum á Golden Globe-verðlaununum en hún var í skóm frá kanadíska skómerkinu Aldo. 

Vogue greinir frá því að skórnir hafi einungis kostað 45 Bandaríkjadali eða rúmlega fimm þúsund íslenskar krónur. Erfitt er að fá jafn ódýra skó á Íslandi en leikkonan er sögð hafa sýnt fram á að óþarfi sé að kaupa rándýra skó þegar fólk ætlar sér aðeins að nota þá einu sinni við fín tilefni á borð við árshátíðir sem eru skammt undan. 

Frétt af mbl.is

Best klæddu stjörnurnar á Golden Globe

Silfraðir skórnir pössuðu fullkomlega við bláan Calvin Klein-kjól sem Nyong'o klæddist á hátíðinni og virtist leikkonan hæstánægð með skóna. 

Lupita Nyong'o í silfruðu hælunum. AFP

• Blogga um frétt