Ljótustu gallabuxurnar í dag?

Snjáðar gallabuxur hafa verið í tísku, rifnar gallabuxur líka en það nýjasta eru gallabuxur sem virðast vera á röngunni. Slíkar gallabuxur sem netverslunin Boohoo er með til sölu hafa vakið mikla athygli. 

Ekki eru allir sammála um hversu flottar buxurnar eru og umræða um þær skapast á samfélagsmiðlum enda lítur fyrirsætan út fyrir að hafa klætt sig í myrkri. 

Netverjar hafa ekki verið feimnir við að deila skoðun sinni á hönnuninni á Instagram-síðu fyrirtækisins. Benti einn á að hann þyrfti ekki að kaupa sér þessar gallabuxur enda átti hann buxur heima sem hann gæti farið í á röngunni. 

• Blogga um frétt