Blár er sumarlitur bresku konungsfjölskyldunnar ef marka má myndir frá konunglegu veðhlaupkeppninni sem fer fram þessa vikuna. 

Katrín hertogaynja af Cambridge klæddist ljósbláum kjól og blómahatti í stíl. Drottningin klæddist kápu í sama bláa litnum og var að sjálfssögðu með blómahatt í stíl. Vilhjálmur Bretaprins var í stíl við eiginkonu sína og ömmu í ljósbláu vesti með blátt bindi.

Camilla hertogaynja af Cornwall, eiginkona Karls Bretaprins, skar sig þó úr og klæddist bleiku, en var samt sem áður einstaklega smekkleg. 

Hertogahjónin af Sussex, Meghan og Harry, voru vant við látin en Meghan er í fæðingarorlofi.