Katrín hertogaynja af Cambridge klæddist einstaklega fallegum bleikum kjól um helgina í skírn Archie Harrison. Við kjólinn, sem er frá Stellu McCartney, var hún með hárband í stíl sem minnir óneitanlega á stíl Blair Waldorf í þáttunum Gossip Girl.
Blair Waldorf, leikin af Leighton Meester, var þekkt fyrir að klæðast ótrúlega fallegum kjólum og fyrir tíða notkun sína á hárböndum.
Hertogaynjan var ein af þeim 25 heppnu sem fengu boð í skírn Archie sem haldin var á laugardag. Hún hefur verið mikill aðdáandi litla drengsins og var mjög spennt fyrir því að börn hennar myndu eignast frændsystkini.