Buxnadragt Elizu frá Hugo Boss

Eliza Reid, forsetafrú Íslands, var afar glæsileg í hvítri buxnadragt þegar varaforseti Bandaríkjanna, Mike Pence, og eiginkona hans heimsóttu Ísland í gær. Buxnadragtir hafa verið vinsælar undanfarin misseri og fékk Eliza sína í Hugo Boss. 

Buxnadragt Elizu er aðsniðin og jakkinn frekar stuttur með hvítum tölum. Jakkinn er tvíhnepptur og settu tölurnar fjórar svip á jakkann. 

Frétt af mbl.is

Sendi Eliza pólitísk skilaboð með dragtinni?

Eliza var falleg í hvítu en varaforsetafrúin Bandaríska, Kar­en Pence, valdi dökkt eins og Guðni forseti og Mike Pence. mbl.is/Haraldur Jónasson/Hari

Mikið var fjallað um hvort Eliza væri að senda pólitísk skilaboð með hvítu buxnadragtinni. Þeir sem fylgjast með tísku vita þó að buxnadragtir hafa verið mjög heitar undanfarin misseri og hvíti liturinn vinsæll. Í byrjun vikunnar mætti einmitt fatahönnuðurinn Victoria Beckham í hvítri tvíhnepptri buxnadragt á viðburð GQ.

Frétt af mbl.is

Beckham setur tóninn fyrir haustið

Eitt er víst að hvort sem pólitík eða tíska réð för í fatavali Elizu þá var hún afar glæsileg. 

Eliza var í hvítu þrátt fyrir haustveðrið sem tók á móti varaforsetahjónum Bandaríkjanna. mbl.is/Eggert Jóhannesson

• Blogga um frétt