Skorar á fólk að endurgera ógleymanlegt dress

Það er enginn maður með mönnum nema að búa til nýjar áskoranir á samfélagsmiðlum og taka þátt í áskorunum. Leikarinn glysgjarni Billy Porter er einn af þeirra sem hefur skorað á fólk að taka þátt í tískuáskorun nú þegar margir sitja heima í einangrun vegna kórónuveirufaraldursins. 

Porter er þekktur fyrir að ögra hinum hefðbundnum staðalímyndum með klæðnaði sínum. Hann skoraði á fólk að reyna að leika eftir klæðnað sinn frá Met Gala-viðburðinum frá því í fyrra. Porter klæddist eins og sólarguð en fötin voru frá The Blonds. Var hann meðal annars með stóra vængi sem fönguðu athygli allra þegar hann breiddi úr þeim. Áskorun Porter var þó ekki að líkja nákvæmlega eftir stórfenglegum klæðnaði Porter heldur nýta það sem fólk finnur til heima hjá sér. Fólk tekur þátt með því að birta myndir af sér á samfélagsmiðlum og merkja með myllumerkinu #BillyPorterFashionChallenge. 

Hér má sjá nokkur eftirminnileg föt sem Porter hefur klæðst.

Billy Porter í febrúar 2020. AFP

Billy Porter á Grammy-verðlaunahátíðinni í janúar 2020. AFP

Billy Porter á Critics' Choice-verðlaunahátíðinni í janúar 2020. AFP

Billy Porter á Golden Globe-verðlaunahátíðinni árið 2019. AFP

Leikarinn Billy Porter í júní 2019. AFP

Hér fyrir neðan má sjá myndir af fólki sem hefur gert heiðarlega tilraun til þess að taka þátt í áskoruninni. 

• Blogga um frétt