Írski leikarinn Paul Mescal sem slegið hefur í gegn í þáttunum Normal People má segja að sé ein óvæntasta tískufyrirmynd ársins. Reglulega sést til hans spóka sig í hvítum stuttbuxum frá írska íþróttamerkinu O´Neill og nú virðist sem tískurisar á borð við Gucci hafi sótt innblástur í klæðastíl Mescal og hafið sölu á stuttbuxum í sama stíl nema verðmiðinn er töluvert hærri eða um 80 þúsund krónur. 

Þetta er ekki í fyrsta skipti sem Mescal ýtir úr vör ákveðinni tískubylgju en allt ætlaði um koll að keyra þegar hann bar keðju um hálsinn í þáttunum. Svo mjög að hann gaf keðjuna á uppboð sem stendur nú yfir og búið er að safna um sjötíu þúsund evrur. Allur ágóði uppboðsins rennur til Píeta samtakanna á Írlandi en samtökin sinna forvarnarstarfi gegn sjálfsvígum. Mescal fannst tilvalið að styðja við það málefni þar sem persónan sem hann lék í þáttunum glímdi við þunglyndi. 

Normal People eru þættir sem byggðir eru á metsölubók eftir írska rithöfundinn Sally Rooney og segir frá ungu pari að fóta sig í lífinu. 

Tengdar fréttir

Fatastíllinn

66°Norður á brunaútsölu í Bretlandi

• Best klæddu stjörnurnar á Emmy
• Halla T og Þorbjörg Sigríður féllu fyrir sömu skyrtunni
• Skærbleik dragt Bryndísar keypt á útsölu í Lettlandi
• Steldu stílnum af Berglindi Ósk

» Fleiri tengdar fréttir

• Blogga um frétt