Óskarsverðlaunaleikkonan Gwyneth Paltrow hefur klæðst mörgum eftirminnilegum fötum á rauða dreglinum. Fötin fóru ekki beinustu leið í Rauða krossinn eftir notkun þar sem Paltrow ætlar að gefa dóttur sinni fötin. Dóttir hennar er 16 ára.
„Hún elskar að leika sér í skápnum mínum,“ sagði Paltrow í viðtali við People á dögunum. „Ég hef geymt allt síðan 15 árum áður en ég eignaðist hana. Ég geymi allt. Ekki alveg allt en öll föt sem ég klæðist á rauða dreglinum geymi ég fyrir hana.“
Paltrow byrjaði snemma í bransanum og ef hún hefur geymt föt í 31 ár má finna gullmola síðan árið 1989 í fatasafni Paltrow. Smartland tók saman nokkra eftirminnilega kjóla sem Paltrow hefur klæðst í gegnum árin.
Gwyneth Paltrow tók á móti Óskarnum í bleikum kjól frá Ralph Lauren árið 1999.
REUTERS
Gwyneth Paltrow á Screen Actors Guild-verðlaunahátíðinni árið 2000.
FRED PROUSER
Gwyneth Paltrow í eftirminnilegum kjól frá Alexander McQueen 2002 í Óskarsverðlaunapartý Vanity Fair.
REUTERS
Gwyneth Paltrow í kjól frá Balenciaga á Golden Globe-verðlaunahátíðinni 2006.
AFP
Gwyneth Paltrow skartaði sínu fegursta í kórallitum sjiffonkjól í anda þriðja áratugarins frá Zac Posen í Óskarsverðlaunafögnuði Vanity Fair árið 2007.
REUTERS
Gwyneth Paltrow klæddist hvítum kjól frá Tom Ford á Óskarnum árið 2012.
AP
Gwyneth Paltrow í Prada á verðlaunahátíð í Berlín árið 2014.
AFP
Gwyneth Paltrow klæddist gulum síðum kjól frá Chloé Met Gala í maí 2019.
AFP
Gwyneth Paltrow klæddist Valentino á Emmy-verðlaunahátíðinni árið 2019.
mbl.is/AFP