Smartland Mörtu Maríu | Tíska | Morgunblaðið | 22.10.2021 | 17:00

Breyttu einfaldri haustförðun í dramatískt „smokey“

Þegar hausta tekur eru margir sem vilja breyta til í förðun og fara úr léttum, ljómandi litum yfir í dýpri og mattari tóna. Brúnir, gylltir og gráir litir eru alltaf áberandi á haustin en í ár þykja grænir og bláir tónar móðins. Lancôme fylgir þessari stefnu og hefur nú gefið út tvær nýjar formúlur í augnblýöntum, nýjar augnskuggapallettur, maskara og förðunarbursta.

Litaður augnblýantur hefur verið mikið í tísku og heldur áfram að gera allt vitlaust í förðunarheiminum. Ef þú vilt hressa upp á útlitið skaltu grípa brúnan, bláan eða grænan augnblýant í staðinn fyrir klassíska svarta til að poppa upp augnförðunina. Le stylo og Liquid Drama-blýantarnir frá Lancôme koma í öllum litum, bæði mattir og sanseraðir, sem jafnvel mætti blanda saman fyrir skarpari augnförðun.

Byrjaðu á því að draga blýantinn eftir augnháralínunni og notaðu svo förðunarbursta nr. 14 til að blanda formúluna fyrir „smokey“-línu.

Settu blýantinn í eyeliner-bursta nr. 14 til að gera vængjaða eða jafnvel listrænni línu.

Oft þarf ekki meira en tvo liti úr augnskuggapallettu til að breyta einfaldri augnförðun í fágaðri förðun fyrir matarboðið án þess að þrífa förðun dagsins af augunum.

GOLDEN KAKI augnskuggapallettan hefur að geyma fallega liti.

Notaðu fyrsta og fjórða litinn í augnskuggapallettu GOLDEN KAKI, fjórða litinn í skyggingarlínuna og ljósa litinn yfir augnlokið, í augnkrókinn og undir augabrún.

Ef þú vilt fara alla leið úr einföldum eyeliner yfir í dramatískt „smokey“-lúkk getur þú valið Liquid Drama-augnblýant í þínum uppáhaldslit og umbreytt förðuninni.

Dragðu blýantinn yfir allt augnlokið og notaðu bursta nr. 13 til að blanda litnum frá augnháralínu upp að glóbus. Notaðu svo samsvarandi lit í augnskugga til að blanda og mýkja litinn í glóbuslínunni með bursta nr. 11.

Settu augnblýantinn í vatnslínuna fyrir enn skarpari augnförðun og toppaðu með extra svörtum Hypnôse-maskara.