Æpandi litir í stað nektar

Netabrjóstahaldarar og aðrar efnislitlar flíkur eru á undanhaldi á kvikmyndahátíðinni í Feneyjum í ár. Stjörnurnar klæðast frekar áberandi litum til þess að vekja athygli. Einlit föt eru að slá í gegn og einfaldar litapallettur. 

Einn af heitustu litunum í Feneyjum í ár er grænn. Leikkonan og leikstjórinn Olivia Wilde klæddist til að mynda afar grænni dragt frá Chanel. Ítalska leikkonan Emanuela Fanelli valdi líka grænt frá toppi til táar á frumsýningu á hátíðinni. 

Bandaríska leikkonan Tessa Thompson tók síðan græna litinn í allt aðrar hæðir þegar hún klæddist í galakjól frá Marc Jacobs. Kjóllinn minnti einna helst á skúlptur. 

Hér fyrir neðan má sjá fleiri litríkar stjörnur í Feneyjum.