Fyrirsætan Paulina Porizkova líður betur í dag en þegar hún var eftirsóttasta fyrirsæta í heimi. Hin 57 ára gamla fyrirsæta segist líða vel í eigin skinni og skilur ekki af hverju unglegt útlit sé talið fallegra en þroskaðri líkamar.
Porizkova segist vissulega sakna athyglinnar frá því hún var yngri. Það er erfitt að eldast þegar allt hennar líf hefur snúist um útlitið. „Sem fyrirsæta áttir þú að vera táknmynd hinnar fullkomnu konu. Og auðvitað tókst það aldrei,“ skrifar fyrirsætan á Instgram.
Porizkova sem var ein heitasta fyrirsæta í heimi á níunda áratugnum var með lítið sjálfstraust og fannst hún vera dæmd á hátindi frægðarinnar. „Mér leið örugglega verst með sjálfa mig þá. Gekk ég inn í herbergi og heillaði alla úr skónum? Meira svona, gekk inn í herbergi og vissi að fólk væri að tala um að ég ekki eins heit í alvöru, að Elle væri með flottari líkama, að Christie væri með fallegri tennur, að Cindy væri með kynþokkafyllri munn.... Og nú þegar ég kann virkilega að meta það sem guð gaf mér er það skoðun samfélagsins að fegurð mín sé að fölna.“
Porizkova reynir að taka ekki mark á því að konur á hennar aldri séu ekki fallegar. Hún þekkir sig, er þroskuð, er með hrukkur og líður vel. „Svo ég vorkenni ykkur sem sjáið það ekki og líður eins og ungdómur sé nauðsynlegur þáttur í fegurð.“