Leikkonan Calista Flockhart mætti á frumsýningu Indiana Jones and the Dial of Destiny í pilsi sem margir kannast eflaust við. Leikkonan klæddist gula Ralph Lauren pilsinu fyrst árið 1999 á Emmy–verðlaunahátíðinni þegar hún var tilnefnd fyrir hlutverk sitt í þáttaröðinni Ally McBeal og er flíkin því 24 ára gömul. 

Flockhart, 54 ára, var stórglæsileg á rauða dreglinum í Los Angeles, en hún var mætt til þess að fagna eiginmanni sínum, Harrison Ford, sem leikur sjálfan Indiana Jones, í tilefni af frumsýningu á fimmtu og allavega síðustu Indiana Jones–myndinni sem Ford fer með titilhlutverkið í.

Í þetta sinn klæddist leikkonan svörtum toppi við gula pilsið, en árið 1999 vakti hún mikla athygli fyrir að para pilsið við hvíta herraskyrtu sem hún batt saman í mittið. 

Flockhart og Ford gengu í hjónaband hinn 15. júní árið 2010 og fagna því 13 ára brúðkaupsafmæli sínu í ár. Hjónin eiga einn son, Liam, 22 ára, en Flockhart ættleiddi drenginn árið 2001, einu ári áður en hún kynntist verðandi eiginmanni sínum. Ford ættleiddi drenginn stuttu eftir að þau hófu samband. 

Tengdar fréttir

Instagram

Fagnaði afmælinu komin á steypirinn

• Staðgengill Chris Pratt fannst látinn á heimili sínu
• Hornamaðurinn flottur með mottu
• Laufey með tónleika í Royal Albert Hall
• 61 árs gömul piparmey leitar að ástinni

» Fleiri tengdar fréttir

• Blogga um frétt