Günther Steiner er farinn í mál við fyrrum vinnuveitendur sína hjá Haas liðinu í Formúlu 1. Steiner telur sig eiga inni bónusgreiðslur yfir tímabilið 2021-2023.
Steiner starfaði sem liðstjóri Haas frá árinu 2014 en honum var sagt upp í lok síðasta tímabils. Haas hafnaði í neðsta sæti í keppni bílasmiða með einungis tólf stig.
Steiner naut mikilla vinsælda í raunveruleikaþáttunum Drive to Survive þar sem óhefluð framkoma hans og sérkennileg kímnigáfa vakti lukku.