Þór/KA hefur fengið bandaríska framherjann Shaina Ashouri til liðs við sig fyrir síðari hluta Íslandsmótsins í knattspyrnu en hún hefur fengið leikheimild og getur því spilað gegn Breiðabliki á Akureyri á morgun.
Ashouri spilaði síðasta vetur með varaliði Houston Dash, sem leikur í MLS-atvinnumannadeildinni, en þar áður lék hún með háskólaliði í Wyoming og í Króatíu. Hún er fyrrverandi samherji Stephanie Bukovic, sem lék í marki Þórs/KA sumarið 2018.
Þór/KA er í 7. sæti úrvalsdeildarinnar eftir 12 umferðir en liðið er með 13 stig, hefur unnið þrjá leiki og þar af aðeins einn af síðustu fimm.