Fylkir er komið á toppinn í 1. deild karla í knattspyrnu, Lengjudeildinni, eftir sigur gegn Selfossi á Würth-vellinum í Árbænum í 17. umferð deildarinnar í kvöld.
Leiknum lauk með 4:3-sigri Fylkis en Árbæingar leiddu með þremur mörkum í hálfleik.
Emil Ásmundsson skoraði tvívegis fyrir Fylki í fyrri hálfleik og Birkir Eyþórsson var einnig á skotskónum fyrir Árbæinga.
Gary Martin minnkaði muninn fyrir Selfoss í 1:3 á 47. mínútu og Valdimar Jóhannsson skoraði annað mark Selfyssinga á 60. mínútu.
Birkir Eyþórsson skoraði sitt annað mark í leiknum á 63. mínútu þegar hann kom Fylki í 4:2 áður en Hrvoje Tokic klóraði í bakkann fyrir Selfoss með marki úr vítaspyrnu í uppbótartíma.
Fylkir er með 39 stig í festa sæti deildarinnar og hefur tveggja stiga forskot á HK sem er í öðru sætinu en Selfoss er með 25 stig í sjötta sætinu.
Þá er Afturelding komin í fimmta sætið eftir 4:1-sigur gegn KV að Varmá í Mosfellsbæ þar sem Marciano Aziz skoraði þrennu fyrir Mosfellinga.
Javier Ontiveros skoraði einnig fyrir Aftureldingu en Askur Jóhannsson minnkaði muninn í 1:3 fyrir KV á 80. mínútu.
Afturelding er með 25 stig en KV er í ellefta sætinu með 11 stig, 9 stigum frá öruggu sæti.