Bestu deildar liðin í fjórðungsúrslit – 15 ára með tvennu
Setja bókamerki
Bestu deildar lið Vals og Fram tryggðu sér í kvöld sæti í átta liða úrslitum bikarkeppni karla í knattspyrnu með því að hafa betur gegn neðri deildar liðum í 16-liða úrslitum.
Bæði lið verða því í pottinum þegar dregið verður í átta liða úrslit næstkomandi þriðjudag.
Valur heimsótti 1. deildar lið Aftureldingar í Mosfellsbæinn og hafði betur, 3:1.
Jónatan Ingi Jónsson kom Valsmönnum yfir eftir aðeins átta mínútna leik en Andri Freyr Jónasson jafnaði svo metin fyrir Aftureldingu á 21. mínútu.
Aron Jóhannsson kom Val yfir að nýju eftir rúmlega hálftíma leik og staðan í hálfleik því 2:1.
Á 65. mínútu innsiglaði Adam Ægir Pálsson sigurinn með þriðja marki Vals og tveggja marka sigur gestanna niðurstaðan.
Framarar of sterkir fyrir 3. deildar liðið
Fram fékk 3. deildar lið ÍH í heimsókn í Úlfarsárdalinn og vann þægilegan sigur, 3:0.
Hinn 15 ára gamli Viktor Bjarki Daðason braut ísinn fyrir heimamenn um miðjan fyrri hálfleikinn og staðan 1:0 í leikhléi.
Í upphafi síðari hálfleiks bætti Már Ægisson við öðru markinu áður en Viktor Bjarki innsiglaði sigurinn með öðru marki sínu og þriðja marki Fram undir blálokin.
Hvergi nærri hætt – Boðar annað útlendingafrumvarp
Segir nýja áætlun setja markið hátt
Eldur í þaki Kringlunnar
„Hefur ótrúleg áhrif á líf fólks“
Helsta sóknarfærið í elstu hópunum
Ótímasett jarðgöng sögð eina lausnin
Ekki mikil hreyfing á hrauntungunni
