Aðstoðarlandsliðsþjálfarinn smitaðist
Setja bókamerki
Gunnar Magnússon, aðstoðarlandsliðsþjálfari karla í handknattleik, smitaðist af kórónuveirunni áður en landsliðshópurinn kom saman í byrjun janúar.
Þetta kom fram á blaðamannafundi hjá HSÍ í dag. Gunnar hefur því ekki verið með hópnum í undirbúningnum fyrir EM í Ungverjalandi og Slóvakíu en fyrsti leikur Íslands er á föstudaginn.
Landsliðsþjálfarinn Guðmundur Þ. Guðmundsson útskýrði á fundinum að allar æfingar íslenska liðsins hefðu verið teknar upp á myndband. Þjálfararnir hefðu því getað farið yfir æfingarnar saman þótt Gunnar væri í einangrun en ekki með hópnum á hótelinu.
Guðmundur nefndi að Ágúst Þór Jóhannsson hefði aðstoðað sig meira á æfingum en til stóð. Ágúst aðstoðar markverðina og stúderar með þeim hvernig andstæðingarnir vilja skjóta á markið.
„Umsátursástand“
Kaldasti veturinn kom að óvörum
Gígbarmurinn hækkað frá því í gær
„Höfum ekki náð að skríða upp úr þeirri gryfju“
Banna mengandi búnað sem leyfður er á Íslandi
Skar höfuðleðrið af íslenskri konu
Telur forsendur fyrir vaxtalækkun