Allt útlit er fyrir að það verði Norwich sem hreppi Hollendinginn Leroy Fer, leikmann Twente, og er talið að félagið muni ganga frá kaupunum á næstu tveimur sólarhringum samkvæmt frétt Daily Telegraph.
Norwich er talið greiða um 4,5 milljónir punda fyrir þennan 23 ára gamla miðjumann. Liðið heldur í æfingaferðalag til Bandaríkjanna á mánudaginn og er vonast til að Fer fari með í þá ferð.
Fer var afar nálægt því að semja við annað úrvalsdeildarfélag, Everton, í janúar en hætt var við það eftir læknisskoðun.