Andy Townsend, sparkspekingur sjónvarpstöðvarinnar BT Sport, segir að enska úrvalsdeildarfélagið Liverpool ætti að selja Philippe Coutinho og kaupa Diego Costa í staðinn. Coutinho vill yfirgefa Liverpool og ganga í raðir Barcelona á meðan Costa hefur engan áhuga á að vera lengur í herbúðum Chelsea.
Liverpool vill ekki selja Coutinho og hafnaði félagið m.a 90 milljóna punda tilboði frá spænska félaginu á dögunum. Townsend segir Coutinho vera frábæran leikmann, en að selja hann væri samt sem áður það besta í stöðunni.
„Ég myndi selja Coutinho. Hann er frábær leikmaður en Liverpool þarf að kaupa framherja og varnarmann. Liverpool gæti keypt Diego Costa af Chelsea og Virgil van Dijk frá Southampton í staðinn og það væru góð skipti," sagði Townsend.