Dýrasti markmaður heims, Brasilíumaðurinn Alisson, spilar fyrsta leik sinn fyrir Liverpool á laugardaginn kemur. Enska félagið keypti Alisson frá Roma á 67 milljónir punda á dögunum.
Liverpool mætir þá Napoli í Dublin í næstsíðasta leik sínum á undirbúningstímabilinu og staðfesti Jürgen Klopp, knattspyrnustjóri Liverpool, að Alisson muni byrja leikinn.
Markmaðurinn byrjaði að æfa með Liverpool í vikunni, en hann fékk lengra frí eftir HM í Rússlandi þar sem hann lék alla leiki Brasilíu.